JİYANA NIViSKARÊ KURD ELÎYÊ EBDILREHMAN -///=> ANP
JİYANA NIViSKARÊ KURD ELÎYÊ EBDILREHMAN
2020-01-29  
100 salîya nıviskarê Kurd yê hêca Elîyê Ebdilrehman, aliyê Yekîtîya Kurdên Qazaxistanê li Qesira Assambleya Gelên Qazaxistanê, li bajarê Almatîyê hate derbazkirin.

JİYANA NIViSKARÊ KURD ELÎYÊ EBDILREHMAN

100 salîya nıviskarê Kurd yê hêca Elîyê Ebdilrehman, aliyê Yekîtîya Kurdên Qazaxistanê ”Berbang”ê bi serokatîya akademîsyen Kinyazê Îbrahîm dabû organîzekirin û li Qesira Assambleya Gelên Qazaxistanê, li bajarê Almatîyê hate derbazkirin.

Lı cıvinêda rojnemevan û nıviskarê Kurd, redaktrê malpera RIATAZA Têmûrê Xelîl lı ser jiyana nemır Elîyê Ebdilrehman da axaft û wıha got :

Ev hurmeta mezin, ku ez li vê Qesira Assambleya Gelên Qazaxistanê, ber bi dehan kesên ber dilê min ezîz sekinîme, bi saya keda Elîyê Ebdilrehman e. Ez û Elîyê Ebdilrehman 14 salan li redaksyona rojnameya kurdî ya here jîyandirêj ”Rya teze” da bi hev ra xebitîne. Ew serwêrê beşa Jîyana partîyê bû, ez serwêrê beşa Çandê bûm. Ez li redaksyonê him dixebitîm, him jî hîn dibûm. Ber destê Elîyê Ebdilrehman hînî meslekê xwe bûm, hînî hezkirina miletê xwe û welatê xwe bûm. Ji wî Merivê Mezin tenê hînî helbestnivîsarê nebûm, ew jî ne di rûyê wê yekê da ku mamostayê min ez rind hîn ne dikirim, lê ji wê yekê ku talanta min têrê ne dikir.

Ji ber ku me gelek caran qala kurd û Kurdistanê dikir, pêwendîyên me bi kurdên Kurdistanê ra hebûn, me rojname û kovarên kurdî distendin û dixwendin, kurdên Kurdistanê ku seredana Ermenîstanê dikirin, dibûne mêvanên malên me, serokatîya rojnameyê bi çavekî ne dostane li me dinihêrî, ditirsîyan ku serokatîya Ermenîstanê wê zirarê bide wan, ji ber ku xebatkarên rojnameya organa Partîya Komûnîstîyê û dewleta Ermenîstanê bi bîyanîyan ra (ango, kurdên derva ra) girêdayîne, lê bîyanî jî li welatê me hemû “împêrîyalîst” bûn. Heta difikirîn, ku em ”girêdayîne”, ango bi KGB ra kar dikin.

Wan salan pir zehmet bû yek bikaribe here welatekî kapîtalîstîyê. Yê pêşin, ku çû Sûrîyê (Kurdistana Rojava) Elîyê Ebdilrehman bû. Dû wî ra ez çûm. Wê demê cîgirê redaktorê rojnameyê Emerîkê Serdar di redaksyonê da deng bela kir, ku: “Min ji we ra digot ev kesana ”girêdayîne”, we bawer ne dikir. Meriv tenê bi riya KGB dikare here welatekî”. Heta derheqa vê yekê da di kitêba xwe ya ”Mukurî” da jî nivîsî. Ji kesên ha ra cem me digotin: -Belengazê hişê xwe…

Elîyê Ebdilrehman kurdekî dilsoz, mêr bû. Weke ku ji rêveçûna wî jî xuya bû ku ew kurdekî mezin e. Xênji nivîskarîyê û şayîrtîyê, wî karên civakî jî dikir. Endamê komîtêya karger ya rêxistina kurdên tevaya Sovyetê ”Yekbûn”ê bû, dema di malbetekê da bêhntengî an nelihevî hebûna, berê xwe didane Elîyê Ebdilrehman bona bi şêwr û temîyên xwe va pirsgirêkên wana çareser bike. Merivekî nandar bû, xêrxwazekî bi gotina we bû.



Print


.
2020-03-31 - 14 :45    KURD ÇAWA BUN `miletê êzidî` ?
2020-02-28 - 15 :32    Kurdî qedera min e
2020-01-29 - 12 :58    JİYANA NIViSKARÊ KURD ELÎYÊ EBDILREHMAN
2019-09-07 - 04 :49    YEKİTİYA KURDA, ROLA SEROK Û PARTİYÊN KURD
2018-08-21 - 16 :14    Nirxandina Islama Siyasî di neynika wêjeya Kurdî de
2015-01-24 - 04 :34    WEZÎRÊ EŞO ÇU SER DILOVANİYA XWE
2013-01-01 - 06 :21    Dimilkî yek ji zaravayên zimanê Kurdî ye
2012-01-22 - 12 :06    Dostaniya Cegerxwîn û H. Emînê Perîxanê ba Ermeniya
2012-01-14 - 01 :24    Mihemedê Siloyê Bava koça xwe bar kir...
2012-01-14 - 00 :55    Prof. Dr. Wanli çû ser dilovanîya xwe
2011-11-08 - 22 :00    Mêrxasê Sovyetê: Semendê Elî Sîabendov
2011-10-15 - 02 :00    Jiyan û xebata Mehmed Uzun
2011-09-18 - 01 :32    Jiyan a nivîskarê kurd Eskerê Boyîk
2011-03-17 - 01 :54    Barzanî: Divê em hev xaîn îlan nekin
2011-02-08 - 02 :25    Dîktatorek diçe yek tê
2010-11-16 - 00 :03    Pêncî saliya şewata zarokên sînema Amûdê
2010-11-13 - 20 :48    Girîşayê Memê ji nav me koç kir
2008-06-27 - 01 :42    Dewletên Kurd di dema Îslamê da
2008-04-27 - 00 :38    Diroka Rojnamegeriya Kurdî li Rojavayê Welat



About us  |  Contact information
Copyright 2008, ANP. All rights reserved.
Powered by Med Diplomatic